१३१ औं मे दिवसको अवसरमा जारी प्रेस विज्ञप्ती

श्रमिकहरुको एकता, संघर्ष र बलिदानको गौरबशाली दिनको रुपमा रहेको मे दिवस आज विश्वभरी मनाइदै छ । ८ घण्टा काम, ८ घण्टा आराम र ८ घण्टा मनोरञ्जन श्रमिकको अधिकारको रुपमा स्थापित गर्न सन् १८८६ को मे १ सम्पूर्ण श्रमिकहरुका लागि अत्यन्त महत्वपूर्ण दिनको रुपमा रहेको छ । यस १३१ औं मे दिवसको अवसरमा स्वदेश तथा विदेशमा रहनु भएका सम्पूर्ण श्रमिक दाजुभाइ तथा दिदीबहिनीहरुमा हार्दिक शुभकामना व्यक्त गर्न चाहन्छौं ।
विश्व नै कोभिड–१९ को महामारीबाट आक्रान्त भईरहेको र नेपाल पनि उच्च जोखिममा रहेको सन्दर्भमा गत चैत्र ११ देखि लगातार बन्दाबन्दी (Lockdown) मा रहेको अवस्था छ । सरकारले समयमा नै चालेका महत्वपूर्ण कदमका कारण नेपालमा नोवल कोरोना भाइरसबाट कसैको पनि मृत्यु नभएको र संक्रमण देखिएका ५७ जना मध्ये १६ जना स्वास्थ्य लाभ गरी घर फर्कि सकेको अवस्थाले पनि विश्वका शक्तिशाली राष्ट्रहरुले ब्यहोर्नु परेको ठूलो क्षती ब्यहोर्नु परेको छैन । तथापी लामो बन्दाबन्दीका कारण सर्वसाधारण जनता र श्रमिकहरुले जीवनयापनमा पीडा र असहजता ब्यहोर्नु परेको अवस्था छ । यस विषम परिस्थितिमा सदा झैं सभा, समारोह गरी मे दिवस मनाउने अवस्था रहेको छैन । यस अवस्थमा श्रमिक तथा श्रमजिवी जनतामा परेको समस्या समाधान गर्न सरकारबाट उपयुक्त कदम अघि बढाउन अनुरोध गर्दछौं । सरकारद्धारा जारी गरिएको बन्दाबन्दीको पूर्ण पालना गर्न तथा आफू, परिवार र समाजलाई सुरक्षित राख्न सम्पूर्ण श्रमिकहरुमा अनुरोध समेत गर्दछौं ।
अहिले स्वास्थ्य, सुरक्षा तथा सरसफाई क्षेत्रमा कार्यरत श्रमिक पेशाकर्मीहरुको भूमिका अत्यन्त महत्वपूर्ण रहेको छ । उहाँहरुको लगन, परिश्रम र समर्पणबाट अहिलेसम्म हामी नोवल कोरोना भाइरसबाट सुरक्षित रहन सकेका छौं । मे दिवसको यो अवसरमा कार्यक्षेत्रमा आफ्नो ज्यानलाई समेत प्रवाह नगरी अहोरात्र खट्नेसम्पूर्ण स्वास्थ्यकर्मी, सुरक्षाकर्मीहरु, सरसफाई कार्यमा संलग्न हुने मजदुरहरु र यस कार्यमा सहजीकरण र सहयोग गर्ने सम्पूर्ण राष्ट्रसेवकहरु तथा स्वयमसेवकहरुको उच्च प्रशंसा गर्दै उहाँहरुप्रति धन्यबाद दिन चाहन्छौं । पुनः १३१ औं अन्तराष्ट्रिय श्रमिक दिवस (1st May 2020) का अवसरमा सम्पूर्णमा हार्दिक शुभकामना व्यक्त गर्न चाहन्छौं ।
२०७७ बैशाख १९ (1st May 2020)

विश्वनाथ प्याकुरेल
अध्यक्ष

सम्बन्धित आर्टिकल / जानकारी

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




About CONEP NEPAL

पेसाकर्मीहरूको सेवासुरक्षा, समान अवसर, समृद्ध जीवन र सुनिश्चित भविष्यका लागि समाजवाद महासङ्घको लक्ष्य
CONEP AUDIO

CONEP NEPAL

Lainchaur, Kathmandu, Nepal

977 01 4427602 / Fax : 977 01 4435574