समृद्धि, सामाजिक न्याय र समाजवादका लागि साझा प्रतिवद्धता
सामाजिक न्यायमा आधारित लोकतन्त्रले मात्र आम नेपाली जनताको जीवनमा परिवर्तन ल्याउन सक्ने र समाजवादको स्थापनावाट मात्र सम्वृद्धि र सामाजिक न्याय प्राप्त हुने, विस्वास गर्ने हामी चारवटा ट्रेड युनियन महासङ्घहरुले हालै दुई ठूला वाम पार्टीहरु नेकपा एमाले र माओवादी केन्द्र वीच चुनावी गठवन्धन गर्ने र पार्टी एकिकरण गर्ने सम्मका निर्णय भएकोमा स्वागत गर्दै समाजवाद पक्षधर सवै वाम पार्टी वीच एकता र सहकार्यको लागि हार्दिक आह्वान गर्दछौँ । आगामी प्रतिनिधि सभा र प्रदेश सभाका लागि २०७४ मंसिर १० र २१ गते हुने निर्वाचनमा वाम गठवन्धनका उम्मेद्वारहरुलाई विजयी गराउन अपिल गर्दछौँ । यस सम्वन्धम देहाय अनुसारको कार्य गर्ने प्रतिवद्धता जारी गरेका छौँ ।
१) आगामी मंसिर १० र २१ गते सम्पन्न हुने प्रतिनिधि सभा र प्रदेश सभाको निर्वाचनमा वाम गठवन्धनका दलहरुलाई विजयी गराउन हामी महासङ्घ अन्तर्गतका सवै राष्ट्रिय संघ, प्रतिष्ठान र सदस्यहरुलाई परिचालन गर्ने ।
२) समाजवाद पक्षधर वामपन्थी पार्टीहरुवीच एकता र सहकार्यको आवश्यकतालाई मनन गर्दै उपयुक्त वातावरण वनाउन आवश्यक वैचारिक र सांगठनिक छलफल लाई अभियानको रुपमा लैजाने ।
३) हामी महासङ्घ अन्तर्गतका सम्पूर्ण संघ, प्रतिष्ठानहरुलाई समेत यस प्रतिवद्धता अनुसार सहकार्य र एकताको वातावरण तयार गरी आ–आफ्ना संघ र प्रतिष्ठानहरुमा अगाडी वढ्न आह्वान गर्ने ।
४) समाजवादका विरुद्ध अनर्गल प्रचार गर्ने प्रवृत्तिका विरुद्धमा व्यापक जनमत तयार गरी समाजवाद पक्षीय अभियान सञ्चालन गर्ने ।
५) निर्वाचनमा खटिएका करिव ६ लाख राष्ट्र सेवकको मताधिकार खोसिएकोमा खेद प्रकट गर्दै राष्ट्रसेवकको मताधिकार वहाल गर्न र विदेशमा श्रम गर्न वाध्य ६० लाख नेपाली श्रमिकहरुलाई समेत मताधिकार प्रयोग गर्ने उपयुक्त व्यवस्था मिलाउन निर्वाचन आयोग लगायत सम्वद्ध पक्षको ध्यानाकर्षण गर्ने ।
६) आगामी दिनमा हामी महासङ्घहरु वीचको सहकार्यलाई मजवुद वनाउँदै अगाडी वढ्ने ।
विश्वनाथ प्याकुरेल
अध्यक्ष, पेसागत महासङ्घ नेपाल
दयाराम वस्याल
संयोजक, नेपाल राष्ट्रिय कर्मचारी महासङ्घ
गंगाराम खड्गी
अध्यक्ष,नेपाल ट्रेड युनियन फेडरेसन
पुरुषोत्तम कार्की
कार्यालय सचिव, अखिल नेपाल ट्रेड युनियन महासङ्घ
