विश्व ट्रेड युनियन महासंघको प्रेसिडेन्सियल सदस्यमा नेपालका खनाल निर्वाचित
काठमाडौं, २ कात्तिक – विश्व का प्रगतिशिल एबम समाजवादी विचार पक्षधर श्रमिकहरूको अन्तराष्ट्रिय संस्था विश्व ट्रेड युनियन महासंघ (डब्लु.एफ.टि.यु.) को प्रेसिडेन्सियल सदस्यमा नेपालका प्रेमलकुमार खनाल निर्बाचित भएका छन् ।
साउथ अफ्रीकाको डरबानमा गत अक्टोबर ५ देखि ९ सम्म चलेको १७ महाधिवेशनबाट बनेको ४७ सदस्यीय काउन्सिल सदस्य मा पेशागत महासंघ नेपाल (कोनेप)का बरिष्ठ उपाध्यक्ष प्रेमलकुमार खनाल निर्वाचित भएका हुन् ।
विश्व का एक सय १२ देशका १५ सय प्रतिनिधिले भाग लिएको उक्त सम्मेलनमा नेपाल बाट पेशागत महासंघ नेपाल लगायत ८ वटा ट्रेड युनियन महासंघबाट गरि ४२ जना प्रतिनिधिले भाग लिएका थिए ।
नेपालका पेशागत महासंघ नेपाल(कोनेप), नेपाल ट्रेड युनियन फेडरेसन ( एन.टि.यु.एफ.), नेपाल राष्ट्रिय कर्मचारी महासंघ (नेफोन) नेपाल प्रगतिशिल ट्रेड युनियन महासंघ (फिनेपट), अखिल नेपाल ट्रेड युनियन महासंघ (आनटुक), नेपाल समाबेशी ट्रेड युनियन महासंघ ( एन.आई.टि.युफ.), राष्ट्रिय प्रजातानत्रीक ट्रेड युनियन महासंघ (एन.डि.फोनट.) र राष्ट्रिय प्रजातानत्रिक ट्रेड युनियन महासंघ (एन. डि.कोनट.) उक्त महासंघ मा आबद्ध रहेका छन् ।
१७ औं अधिबेशनले विश्व साम्राज्यबाद र पुंजीवादले श्रमजीवी बर्ग उपर सिर्जना गरेको युद्ध, हत्या, हिंसा, आतंक, गरिबी र बेरोजगारी बिरुद्ध संघर्ष गर्ने निर्णय समेत गरेको छ ।
अधिबेशनले आगामी ५ बर्ष भित्र १० करोड सदस्य पु–याउने गरि संगठन बिस्तार को अभियान संचालन गर्ने, युबा र महिला केन्द्रित गतिबिधिहरुलाई सन्चालन गर्ने, नयाँ नयाँ क्षेत्रमा बिषयगत अन्तराष्ट्रिय टे«ड युनियन केन्द्र बनाउने, संयुक्त राष्ट्र संघ, अन्तराष्ट्रिय श्रम संगठनमा (आई.एल.ओ.), बिश्व खाद्य संगठन, युनेस्को र बिश्व स्वास्थ्य संगठन मा कनसलटेटीभ सदस्यको हैसियतले प्रभाबकारी भूमिका निर्वाह गर्ने निर्णय गरेको छ ।
मंगलवार २ कात्तिक २०७३ मा प्रकाशित