प्रेस विज्ञप्ती (२०७४-११-२५)
पेशागत महासंघ नेपाल राष्ट्रिय समितिको पाचौं पूर्ण वैठक २०७४।११।२४ र २५ गते काठमाडौंमा सम्पन्न भएको छ । महासंघका अध्यक्ष क विश्वनाथ प्याकुरेलको अध्यक्षतामा सम्पन्न उक्त वैठकमा ने क पा एमाले केन्द्रीय सचिव एवं मोर्चा संगठन प्रमुख क गोकर्ण विष्टको प्रमुख आतिथ्यता रहेको थियो । वैठकको प्रारम्भमा राष्ट्रिय सभामा निर्वाचित महासंघकी उपाध्यक्ष क उदया शर्मा र ७ नं प्रदेश सभामा निर्वाचित उपमहासचिव क पूर्णा जोशी लगायत पेसागत क्षेत्रमा क्रियाशिल रहंदै हाल प्रतिनिधि सभा राष्ट्रिय सभा र विभिन्न प्रदेश सभा सदस्यमा निर्वाचित माननीय सदस्यहरुलाई महासंघको तर्फवाट बधाई तथा शुभकामना सहित सम्मान गरिएको थियो । त्यसैगरी वैठकमा मोर्चा संगठन प्रमुख क गोकर्ण विष्टले समसामयिक राजनीतिक विषयमा र पार्टी स्कूल विभागका सदस्य प्रा. डा. तत्व तिम्सिनाले Mind Mapping सम्बन्धमा प्रशिक्षण दिनुभएको थियो । चौथो पूर्ण वैठक पश्चात भएका सांगठनिक गतिविधिहरुको गम्भीर समिक्षा गर्दै सांगठनिक तथा आर्थिक प्रतिवेदन सुझाव सहित पारित गरेको छ । वैठकले आगामी चैत्र देखि जेष्ठ सम्म ३ महिने संगठन सुदृढिकरण अभियान सञ्चालन गर्ने निर्णय गर्दै निम्न वमोजिम समसामयीक प्रस्ताव समेत पारित गरेको छ ।