ट्रेड युनियन महासङ्घहरुको एकता संयोजन समिति

नेपाली जनताको छ दशक भन्दा वढी समय देखिको संघर्ष, त्याग र वलिदानी पूर्ण आन्दोलनवाट राजतन्त्रको अन्त्य गर्दै नेपालको सार्वभौम सत्ता र राजकीय सत्ता नेपाली जनतामा निहित रहेको समाजवाद उन्मुख संघीय लोकतान्त्रीक गणतन्त्रात्मक संविधान निर्माण भई हाल कार्यान्वयनको चरणमा अगाडि वढीरहेको छ । वर्तमान परिवर्तनलाई सार्थक निष्कर्षमा पु¥याउन श्रमजीवि पेसाकर्मीहरुको (हामी ट्रेड युनियन महासङ्घ) अतुलनीय भूमिका रहेको छ ।
फरक–फरक पृष्ठभूमिवाट निर्माण, विकास र कृयाशिल हामी महासङ्घहरु सम्पूर्ण पेसाकर्मीहरुको हक हितकोलागि कृयाशिल रहेका छौँ र ट्रेड युनियन भित्र देखा परेका विकृति र विसंगतिका विरुद्ध समेत संघर्ष गर्दै आएका छौँ । ट्रेड युनियन आन्दोलनलाई अझै समुन्नत र राष्ट्रको संवृद्धिमा योगदान पु¥याउन ट्रेड युनियनहरु वीच एकता र सहकार्यको लागि समेत हामी कृयाशिल रहँदै आएका छौँ । यसै सन्दर्भमा नेपाली जनताको एकतावद्ध कम्युनिष्ट पार्टी निर्माण र सो पार्टीको नेतृत्वमा देश अगाडी वढेको हेर्ने चाहना र राष्ट्रको आवश्यकतालार्इं मनन गरी २०७४ असोज १७ गते एकिकृत कम्युनिष्ट पार्टी निर्माणकोलागि नेकपा (एमाले) र नेकपा (माओवादी केन्द्र) लगायत दलहरुले गरेको घोषणाका सन्दर्भमा हामी प्रगतिशिल महासङ्घहरुले कम्युनिष्ट एकता र चुनावी वातावरण वनाउनकालागि मिति २०७४।७।१५ गते प्रज्ञा भवन कमलादी काठमाडौँमा साझा प्रतिवद्धता जारी गरेका थियौँ । सोही प्रतिवद्धताको जगमा महासङ्घहरु वीच सघन सहकार्य गर्दै एकता गरी ट्रेड युनियन आन्दोलनलाई अझै प्रभावकारी र मजवुत वनाउन हामीहरु वीच संयोजन समिति अन्तर्गतको निर्देशक समिति निर्माण गर्ने, सचिवालय वनाउने र सो सचिवालयले आवश्यक गृहकार्य गरी एकता प्रस्ताव तयार गर्ने निर्णय भयो । निर्देशक समितिमा देहाय वमोजिम पदाधिकारीहरु रहने निर्णय भयो । निर्देशक समितिको सचिवालयले आफू मातहतका संगठनहरुको संगठनात्मक एकताको कार्ययोजनाको खाका तयार गरी एकतालाई प्रभावकारी ढंगवाट निष्कर्षमा पु¥याउने निर्णय गरियो ।

निर्देशक समिति

संयोजक क विश्वनाथ प्याकुरेल

सदस्य    क प्रेमल कुमार खनाल

सदस्य क मोहनमान स्वांर

सदस्य क दयाराम वस्याल

सदस्य क गंगाराम खड्गी

सदस्य क उदया शर्मा

सदस्य क लालवहादुर पाख्रिन

सदस्य क विष्णु लामिछाने

सदस्य क प्रेम प्रसाद खनाल

सदस्य क हरि रावल

सदस्य क मधु वि सी